elearningzpps.blogspot.com या शैक्षणिक blog मध्ये आपले स्वागत आहे,या शैक्षणिक blog मध्ये आपल्याला नवनवीन शैक्षणिक उपक्रम पहावयास मिळतील.तसेच शैक्षणिक video , शैक्षणिक उपक्रमाच्या link शाळेसंदर्भात महत्त्वपुर्ण माहिती व इतर माहिती उपलब्ध होईल.In this educational blog You will get educational information , educational programme as well as educational innovatiive teaching aids by self and educational videos, link available .
दरवर्षी शैक्षणिक सहलीचे नियोजन करण्यात येते या शैक्षणिक सहलीच्या माध्यमातून मुलांचे अनुभव क्षेत्र रूंदावते . त्यांच्या पुर्व माहितीत भर पडते . धरण , जैन लेण्या , ऐतिहासिक ठिकाणची माहिती मिळते . एकंदरीत मुले आनंदी होतात परत शाळेत आल्यास त्यांच्यात एक नवलपण व शाळेत आनंदी वातावरण निर्मिती होते . शाळेची ओढ कायमच राहते व सहल जाणार म्हणून आपल्या जवळील खाऊच्या पैशाची बचत करून एक चांगली सवय ही मुलांच्या अंगी येते .
Activity Based learning या कार्यक्रमांतर्गत कृती ला प्राधान्य देण्यात आले आहे म्हणजेच कोणताही विषय , त्यातील अध्यापन करावयाचा घटक यात जास्तीत जास्त कृती वापरून अध्ययन अध्यापन केल्यास अधिक प्रभावी ठरते तसेच अध्ययन निष्पत्ती साध्य होण्यास मदत होते.
1] गणित विषय इयत्ता दुसरी , घटक - संख्येचा लहानमोठेपणा कृती युक्त मुलं सादर करतांना .
2] इयत्ता तिसरी विषय - English , Days of the week हा घटक कृती युक्त सादरीकरण.
परिसर अभ्यास या विषयात काही पाठ असे असतात की त्या पाठ्यघटकाचे अध्यापन करताना मुलांना स्वानुभव देणे गरजेचे ठरते. अबब!किती प्रकारचे प्राणी हा पाठ Safari central ह्या ॲप द्वारे शिकवता येतो व मुल जवळुन प्राणी पाहतात .
मुल सहजतेने व आनंददायी पध्दतीने शिकते.
इयत्ता पाचवी - सुर्यमाला व ग्रह घटक शिकवताना Explorer app , merge cube द्वारे नाविन्य पध्दतीने शिकवता येतो व मुल सहजतेने आनंददायी पध्दतीने शिकते.
मराठी , इंग्रजी , गणित या विषयाप्रमाणे परिसर अभ्यास हा विषय देखील विविध प्रकारची उपक्रम घेत शिकवल्यास मुल सहजतेने व आवडीने शिकतात.आमच्या शाळेतील काही निवडक उपक्रम पुढीलप्रमाणे -
1] बोट बाहुलीद्वारे पाठ अध्यापन व अध्ययन -
सादरीकरण - कु.निकिता काष्टे , इयत्ता - चौथी
पाठ - गड आला पण सिंह गेला.
सादरीकरण - कु.कोमल झाडे , इयत्ता - चौथी
पाठातील पात्रे व व्यक्ती रेखानुसार उत्तम सादरीकरण.
आठवडाभर मुले शाळेत नियमितपणे येतात शिकतात त्यांना एक बदल व्हावा म्हणून दप्तराविना शाळा हा उपक्रम दर शनिवारी घेण्यात येत आहे . मुल निरनिराळ्या शैक्षणिक साहित्या चा वापर करून त्या आधारे कृती करतात .
या उपक्रमात मुले गट करून वा वैयक्तिक कृती करतात. यामध्ये मुले अंक इंग्रजी मध्ये अक्षरात लिहिताना दिसत आहेत.write the numbers in the words .
स्वनिर्मित शैक्षणिक साहित्याच्या आधारे गटात days of the week घेताना मुले दिसत आहेत.
इयत्ता पहिली तील मुले देखील शैक्षणिक साहित्याचा वापर करू स्वतः शिकत आहेत.
फळ्यावर changing sentences सोडवताना.
प्रत्यक्ष कृतीद्वारे in, out,up, down शिकताना इयत्ता पहिलीतील मुले.
घड्याळ तयार करून मुले स्वतः किती वाजले हे सांगतात .
मुले या साहित्याच्या आधारे गणिती खेळ खेळताना .
word ladder हा सापशिडी प्रमाणे शब्द शिडी उपक्रम आहे.
सुट्टी मग ती दिवाळी ची असो की उन्हाळी , शाळेला सुट्या लागल्यावर मुलं अभ्यासापासुन लांब जातात त्यांना शाळेच्या प्रवाहात ठेवण्यासाठी किंवा चाचणी घेण्यासाठी ही online test फार उपयोगी पडते.
त्यासाठी पालकांचा whatsapp group तयार करून पालकांना ही मुलांची प्रगती दिसते त्याचप्रमाणे मुलांना ही हा एक चांगला नाविन्यपुर्ण अनुभव येतो.
अध्यापन प्रभावी होण्यासाठी , मुलांना पाठ्य घटक व्यवस्थित समजण्यासाठी स्वनिर्मित शैक्षणिक साहित्य निर्मिती व वापर अत्यंत गरजेचे ठरते. विषयानुरूप, घटकानुरूप शैक्षणिक साहित्य वापर करावा .
संख्येचा लहानमोठेपणा ठरवण्यासाठी अशाप्रकारे शैक्षणिक साहित्या चा वापर होतो.
English विषयात face & feeling chapter शिकवातांना शैक्षणिक साहित्याचा वापर करता येतो.
knowing about tail words.
English bank या शैक्षणिक साहित्यात मुलांना इंग्रजी वाक्ये , प्रश्न संग्रह भरपूर चिट्ठ्या आहेत मुले त्या सहजतेने वाचन करतात .
question set मुले वाचन करतात व त्याचा अर्थ समजून उत्तरे हि देतात.
std 1 & 2 nd साठी ' a ' उच्चार असणारे शैक्षणिक साहित्य .
काही पाठ्य घटक शिकवतांना मुलांना प्रत्यक्ष अनुभूती देणे गरजेचे ठरते अशावेळी mobile bolo app , safari central app , solar Explorer app , इत्यादी द्वारे मुलांना स्वतः अनुभूती येते .
Exolorer app द्वारे आपली सुर्यमाला घटक शिकवायला सहज व सोपे गेले तसेच मुलांनी सुर्यमालेतील ग्रह , बुध , शुक्र , मंगळ , गुरू इत्यादी चे स्थान मुलांच्या लक्षात आले.
इयत्ता तिसरी च्या मुलांना अबब! किती प्रकारचे प्राणी हा घटक शिकवतांना मुलांनी स्वतः जंगलातील प्राणी जवळुन अनुभवायला मिळाली. हत्ती , जिराफ , सिंह , वाघ , चित्ता , अस्वल , हे प्राणी पाहायला व त्यांच्या हालचाली त्यांचे वेगवेगळे आवाज अनुभवायला मिळाले.
मराठी, english या विषया प्रमाणेच कला व कार्यानुभव ह्या विषयाचे अध्यापन व त्यातील कृती घेणे तितकेच गारजेचे आहे . आठवड्यातून तीन तासिकेचे नियोजन असायला हवेच , मुलांना एक नवा अनुभव मिळतो व मुले शाळेत पर्यायी अभ्यासात रमतात.
वाळलेल्या कद्दुपासुन मासा तयार करणे.
मुलांनी त्यांच्या कल्पकतेनुसार शाळेची तयार केलेली सुंदर अशी प्रतिकृती .
पर्यावरणास पुरक अशा कागदी पिशवी पेपर पासुन तयार करण्यात आल्या आहेत.
मुले स्वनिर्मितीचा आनंद घेतात.
मुलींनी राष्ट्रीय सणासाठी वापरता येतील अशी सुंदर तिरंगा बॕज तयार केला आहे , रंगीत पेपर पासुन अतिशय उपयुक्त बॕज तयार केले आहे.
ओरीगामी पध्दतीने रंगीत कागदापासुन सुंदर अशी फुलपाखरे तयार केली आहेत.
लेक शिकवा लेक वाचवा - सावित्री बाई फुले जयंती निमित्त शाळेत विविध प्रकार चे उपक्रम घेण्यात येतात लेक शिकवा लेक वाचवा या कार्यक्रमाची अंमलबजावणी प्रभावीपणे घेण्यात येते.
मुलींनी त्यांच्या गोड आवाजात गायलेली ओवी व गीत .
तसेच महिला पालक मेळावा आयोजीत केल्या जातो व महिला , माता पालक वर्ग मोठ्या संख्येने उपस्थित राहतो व मुलांचे कौतुक करून त्यांना प्रोत्साहन देतात.
स्वनिर्मित शैक्षणिक साहित्य -
शैक्षणिक साहित्याचा अध्यापन करतांना पुरेपूर वापर केल्यास पाठ्यघटक समजण्यास मदत होतो व ते स्वतः तयार केलेले असल्यास प्रभावी ठरते.
नमस्कार सदर शैक्षणिक ब्लॉग हा माझ्या शाळेविषयी ची माहिती देणारा आहे.माझ्या शाळेत माझ्या वर्गात विषय निहाय वेगवेगळ्या प्रकारचे उपक्रम आम्ही नियमितपणे राबवत असतो प्रत्येक मूल हे वेगळं असतं आणि ते त्याच पद्धतीने शिकत या तत्वाने आम्ही आमचे उपक्रम सादर करीत आहोत.
प्रा.शा. गणपुर माझ्या शाळेच्या अंतर्गत होणारे विविध कार्यक्रम तसेच पालक मेळावे शैक्षणिक कृती कार्यक्रम मालिका मुलांनी स्वतः च्या चालीवर रचलेल्या पाठ्यपुस्तकातील कविता , भाषा विषयातील पाठाचे नाट्यरूपात सादरीकरण , परिसर अभ्यास या विषयात पाठाचे बोट बाहुली द्वारे सादरीकरण , नाट्यरूपात सादरीकरण तसेच कला , कार्यानुभव विषयातील मुलांनी तयार केलेल्या सुंदर साहित्य, दिवाळी गृहपाठ , इंग्रजी विषयांतर्गत विविध उपक्रम ,अध्ययन निष्पत्ती वर आधारित नियोजन व त्यावर आधारित कृती इत्यादी.
याबरोबरच स्वनिर्मित शैक्षणिक साहित्य व त्याचा अध्यापनात वापर देखील आपल्याला पाहता येईल .
धन्यवाद !
भाषा विषय उपक्रम - प्रत्येक मुलाचा अध्ययन स्तर हा वेगवेगळा असतो काही मुलं जलद गतीने शिकतात तर काही मुलांना थोडाफार वेळ लागतो मग ज्या मुलांना थोडाफार वेळ लागतो त्यासाठी काही खास विशेष असे उपक्रम राबवावे लागतात चला तर मग आपण काही उपक्रम आहेत जे मी माझ्या शाळेमध्ये राबवले आहेत ते आपण पाहूया अगदी सहज आणि सोप्या पद्धतीची उपक्रम आहेत.सोबतच youtube ची link आहे त्यावर माझ्या वर्गातील उपक्रम पाहु शकता.
उपक्रम यादी - 1] शेपूट धरणे -
उदा - गणपूर - रस - ससा - सरिता -तराजू - जग- गोष्टी इत्यादी 2] शब्दकमळ -
उदा - यामध्ये शैक्षणिक साहित्याचा वापर करण्यात आला आहे रफारयुक्त शब्दांचा यात समावेश आहे . जसे कि , हर्ष , वर्ग , वर्णन , वर्षे , कार्यक्रम , श्रृतिका , प्रश्न , आकृती , स्पर्श , इत्यादी
3 ] शब्दकोडी - उदा - 1) सुपासारखे माझे कान , जंगलात मला मान ओळखा पाहु मी कोण ? 2) डोक्यावर तुरा दिसतो छान राष्ट्रीय पक्षाचा मला मान इत्यादी .
4]चिट्ठीखेळ - ह्या उपक्रमामध्ये मुले अभिव्यक्त होताना दिसतात. हा चिट्ठींचा खेळ आहे यात मी पाहिलेला मोर , मला आवडत फुल , माझा गाव , माझी आई , माझा मित्र , मी फुलपाखरू झाले तर , इत्यादी . प्रकारच्या चिट्ठ्या आहेत मुले चिट्ठी खेळ या बॉक्स मधील एक चिट्ठी उचलून दोन - तीन ओळीत स्वतः चे मत मांडतील व व्यक्त होतील .म्हणजेच ते स्वतः बोलते होऊन माहिती देतील .
4] शब्द डोंगर - या उपक्रमात मुले एका शब्दापासुन अनेक वाक्ये तयार करतात व त्याची रचना एका वाक्य डोंगरा प्रमाणे करतात यामुळे भाषेची गोडी लागते .
5] शब्दभेंड्या - मुलांचे दोन गट पाडुन एक शब्द एका गटास द्यावा त्या शब्दाचा शेवटच्या अक्षरावरून दुसऱ्या गटाने शब्द सांगावा अशा पध्दतीने हा खेळ खेळता येतो.
6] पाठ कथेच्या स्वरूपात मांडणी करणे व मुले बराचसा प्रतिसाद देतात.
